Oliy liganing 12 turida «Obod»ni yirik 3:0 hisobida mag'lub etgan "Mash'al" bugundan boshlab, O'zbekiston kubogining 1/8 finali javob bahsiga tayyorgarlikni boshladi. Xabaringiz bor «Mash'al» jamoamiz aynan 1/8 finalning dastlabki bahsida safarda «Yozyovon-Lochinlari» jamoasiga qarshi bahsda maydonga tushib yirik 4:0 hisobida g'alaba qozongan edi. Hozirda tarkibda barcha futbolchilar mashg'ulotlarda ishtirok etishmoqda, Kubok bahslarida oyog'idan jiddiy jarohat olgan Jamoliddin Ubaydulaev ham bugundan engil mashg'ulotlarga kirishdi. Eslatib o'tamiz, O'zbekiston kubogi 1/8 final javob uchrashuvi 31 may chorshanba kuni soat 18:30da Muborakda boshlanadi. «Mash'al» (Muborak) – «Yozyovon-Lochinlari» (Yozyovon) 18-30
Hakamlar: A. Rahimov (Andijon), Sh. Fayziev (Jizzax), S. Eremeev (Toshkent), R. Abduvohidov (Qarshi)
Nazoratchi: O. Rubakov (Toshkent).
— deya xabar beradi uff.uz nashri.