"Manchester Yunayted" klubi rahbaryati Madridning "Atletiko" jamoasi hujumchisi Antuan Grizmannning transferiga jiddiy kirishgan.
The Independent nashrining ma'lumotiga ko'ra, "MYu" frantsiyalik futbolchini qo'lga kiritishga ishonmoqda va iyunning oxirigacha transferni amalga oshirishni reja qilgan.
Mankunianliklar Grizmannning vakillari bilan moliyaviy jihatdan anchagina foydali shartnoma shartlarini hali qishdayoq kelishib bo'lganlar.
Bundan tashqari, "MYu" Italiyaning "Torino"sidan hujumchi Andrea Belottini ham sotib olmoqchi. Ayni damda italiyaliklar bilan bu borada muzokaralar o'tkazilmoqda, ammo Belotti xaridi so'roq ostida turibdi.
"Bernli" himoyachisi Maykl Kin esa "qizil iblislar"ning uchinchi maqsadi bo'lib turibdi.
— deya xabar beradi uff.uz nashri.