Angliyaning “Manchester Yunayted” klubi Londonning “Tottenxem” klubi himoyachisi Denni Rouzni sotib olishga yaqin. Bu haqda The Mirror nashri xabar berdi. Manbaning xabariga ko'ra, Rouz katta ehtimol bilan iyunda “qizil iblislar” futbolchisiga aylanadi. Ma'lum bo'lishicha, futbolchi uchun “Manchester Yunayted” 40 million evro berishga rozilik bildirgan. Ma'lumot uchun, Rouzning “Tottenxem” bilan tuzgan amaldagi shartnomasi 2021 yilga qadar davom etishi mumkin edi. Agar Denni “Old Trafford”ga yo'l oladigan bo'lsa “Manchester Yunayted” himoyachisi Lyuk Shou “Tottenxem” futbolchisiga aylanadi.
— deya xabar beradi uff.uz nashri.