Mavsumni Angliya Premer-ligasida to'rtinchi o'rinda yakunlagan «Liverpul» jamoasi keyingi mavsumda Chempionlar Ligasi guruh bosqichida o'ynash uchun saralash raundida ishtirok etadi. O'z-o'zidan ma'lumki, Evropaning klublar o'rtasida eng nufuzli turnirida har qanday jamoa guruh bosqichida kuchli jamoalarga qarshi o'ynashni istaydi va buning uchun bor kuchini ishga soladi. The Anfield Wrap nashri «Liverpul»ga pley-off bosqichida raqiblik qilishi ehtimoli mavjud bo'lgan jamoalar haqida so'z yuritdi. «Bryugge» (Belgiya) Belgiya jamoasining kuchini EChLning ushbu mavsumida «Lester»ga qarshi bellashuvlarida guvoh bo'ldik. Garchi guruh bosqichidan nariga o'ta olmagan bo'lsalarda, hujumkor o'yin ko'rsatishib, raqiblarini o'yinlar davomida ancha qiynab qo'yishgandi. Jamoalar bir-birlariga qarshi uch marta to'qnash kelishgan va e'tiborga molik tomoni shundaki, har uchala baxs ham evrokuboklar finallariga to'g'ri kelgan. 1976 yilgi UEFA Kubogida ikki o'yin natijasiga ko'ra «qizillar» 4:3 hisobida g'alaba qozongan bo'lsalar, 1978 yilda Evropa Kubogida ham ulardan ustun kelishgan. «Bryugge»ning ushbu mavsumdagi o'yinlaridan kelib chiqib xulosa qiladigan bo'lsak, belgiyaliklar asosan qarshi hujumda faollar. Ular hujumga ko'pchilik bo'lib o'tishadi va futbolchilarning tezligiga tayanishadi. Lekin jamoaning «Liverpul»dan o'tish ehtimoli 70/30. «TsSKA» (Rossiya) Rossiyaning so'nggi yillardagi gegemon klubi, bu yilga kelib nomni «Spartak»ka berib qo'ydi. Jamoadan Ahmad Musa, Seydu Dumbiyalarning ketishi, klub o'yiniga sezilarli ta'sir o'tkazdi. Moskvaliklar uyda himoyaviy-qarshi hujum taktikasida o'ynashadi. Asosan, orqa zonaning harakatlari o'yin natijasiga ta'sir o'tkazadi. Lekin mehmonda jamoa juda ko'p to'p o'tkazib yuboradi. Boshqaruvni o'z qo'liga olmaganiga hali bir yil bo'lmagan Goncharenko, qisqa vaqt ichida hujum chizig'ida yosh iqtidorlarni maydonga tushirib, oqsayotgan chiziqni birmuncha yaxshiladi. Bu juftlikda katta ehtimol bilan «Liverpul» yirik hisobda g'alaba qozonishi taxmin qilinmoqda. Jamoalar bunga qadar faqat bir marta - 2005 yil UEFA Superkubogida to'qnash kelishgan va o'shanda «mersisaydliklar» Jibril Sissening dubli va Luis Garsiyaning qo'shimcha taymlarda kiritgan gollari evaziga g'alaba qozongan. «Xoffexaym» (Germaniya) «Xoffenxaym» o'yiniga yana qayta jozib kirdi. Garchi Nagelsmann tengilar maydonda javlon urishayotgan bo'lsa-da, u murabbiylikda katta yutuqlarga erishmoqda. Roberto Firmino va Kevin Follandning ketishidan keyin, klub inqiroz ko'chasiga kirib qoldi. Hattoki, Bundesligada qolish uchun ham kurashishga majbur bo'lishdi. Endi esa ular yana qayta o'zlarining 3-4 yil ilgari mavqeyilariga qaytishdi. Yosh mutaxassis futbolchilarning individual mahoratlariga tayangan holda jamoa o'yinini qurdi.  Agar «Xoffenxaym» o'yiniga nazar solsangiz, nemislar faqat ikkinchi raqam bo'lib o'ynashlariga guvoh bo'lasiz. Asosan qarshi hujumda o'z imkoniyatini kutadigan jamoa, himoyada juda zich o'ynaydi. «Liverpul»ning bu uchrashuvdagi ustunligi 60/40 deya baholanmoqda. Nemis futbolini kuzatadiganlar, nima sababdan bunday ustunlik berilayotganiga darhol javob bera oladilar. «Nitstsa» (Frantsiya) «Liverpul»da o'zini ko'rsata olmagan Mario, Frantsiyaga borib yana o'zligini topdi. «O'zgaruvchan hujumchi» Frantsiya chempionatida 15 ta gol kiritdi. Himoyaga tajribali Dantening olib kelinishi orqali, mudofaasi ancha ishonchli ko'rinishga kelgan frantsuzlar «qizillar»ga ancha xavf tug'dirishlari aniq.  Agar «Nitstsa» raqib sifatida «Enfild»ga tashrif buyursa, ingliz muxlislari «Super Mario»ni qanday kutib olishini taxmin qilsa bo'ladi. Biroq tomonlar qarama-qarshiligini oldindan sezish mushkul vazifa. Sababi, «Nitstsa» joriy mavsumda hech kim kutmaganda Chempionlar Ligasiga yo'llanma oldi. «Sporting Lissabon» (Portugaliya)   "Sporting" ushbu mavsum Chempionlar Ligasida «Borussiya Dortmund» bilan durang o'ynaganligi bilan yodda qoldi. Portugallar o'zlarining chempionatlarida etakchi sanalishadi, ammo EChLga kelganda hech qanday karomat ko'rsata olishmaydi. So'nggi yillarda «Liverpul» va «Sporting»ni bir qancha futbolchilar bog'lab turadi. Emilano Insua, Floren Sinama - Ponol, Alberto Akvilani, Lazar Markovich va Sebastian Koates kabi futbolchilar har ikkala klublarda o'ynashgan. Katta ehtimol bilan, «mersisaydlik»larning mazkur baxsda ularning to'sig'idan qiyinchiliklarsiz o'tishlarini taxmin qilish mumkin. «Styaua Buxarest» (Ruminiya)   Ruminiya klubi o'z vaqtida mazkur musobaqani qo'lga kirita olgan. Ammo bugungi kunda, ular haqida etarlicha tasavvurga ega bo'lmaganimiz sababli, jamoaning asl kuchi qanday ekanligini yaxshi bilmaymiz. Lekin shunisi aniq - ular saralashdan chiqib ketishsa, Evropa Ligasi guruh bosqichiga chiqish uchun o'yinlarda ishtirok etish etishadi. «Qizillar» bungacha buxarestliklar bilan 4 marta to'qnash kelishgan. 2003 yili Jerar Ule boshchiligidagi jamoa «Styaua»ni UEFA Kubogining ikkinchi saralash raundidan chiqarib yuborishgan. Keyinchalik, Roy Hojson davrida jamoa Buxarestda Evropa Ligasining guruh bosqichida durrang o'ynagan. Javob bahsida «Liverpul»ni Rafael Benites qabul qilib olgan va «Enfild»da 4:1 hisobida ruminlar taslim etilgandi. «Yang Boys» (Shveytsariya) «Yang Boys» jamoasi bundan bir necha yil oldin Brendan Rojers boshqaruvidagi «Liverpul»ga ro'baro kelgan. Shveytsariyadagi bahsda mezbonlar 5:3 hisobida ustun kelishgan. «Enfild»dagi o'yin 2:2 natijasi bilan yakun topgan. Har ikkala o'yindagi bahslarda «qizillar»ning gollariga Andre Uizdom, Sebastian Koates, Jonjo Shelvi (2 marta) va Jo Koul mualliflik qilgan. «Yosh yigitlar» Chempionlar Ligasida qaysi raqibga to'qnash kelmasin, etarlicha bosh og'riq bo'la oladigan darajada kuchli hisoblanadi. «Istanbul Basakshexir» (Turkiya) Esingizda bo'lsa, bundan bir necha yil ilgari qozoq klubi «Astana» EChLga yo'l olgandi. O'shanda ko'pchilik futbol mutaxassislari ushbu jamoa nomini endi-endi taniy boshlagandi. «Istanbul Basakshexir» klubi ham aynan shunday qabul qilinmoqda. Ushbu jamoa qay darajada «millionlar o'yini» ishqibozlariga sovg'a tayyorlashi noma'lum.  Agar ular «Liverpul» bilan tushib qolsa, klub muxlislari ranjimasa kerak. Axir, jamoa o'z maydonida dunyoning eng nomdor klubidan biri bilan o'ynaydi. Bu esa har doim ham bo'lavermaydi. Ko'pchilik singari, biz ham bu jamoaning kuchli jihatlarini yaxshi bilmaymiz. O'z tarixida ilk marta Chempionlar Ligasi saralash raundiga yo'l olgan jamoaning debyuti barcha uchun qiziqarli bo'lishi tabiiy. «Viktoriya Plzen» (Chexiya) Plzen shahri vakillari alamli tarzda pragaliklardan keyingi o'rinni egallashdi. Chex a'zolari o'tgan mavsumlarda evrokuboklar doirasida ba'zi-ba'zida ko'rinish berganligini inobatga olsak, «mersisaydlik»larning ehtimoliy raqibining saralashdagi o'yinlarini kuzatishni doimo yodda saqlash kerak. Shuningdek, Gretsiyadan ham vakillar ishtirok etishadi. «Olimpiakos» mamlakat chempioni bo'lgan holda, kurashni guruh bosqichidan boshlasa, «AEK», «PAOK» va «Panatinaikos» klublari saralash raundida ishtirok etish uchun beriladigan yagona yo'llanma uchun kurash olib borishadi. Nodirbek Mamatqulov tayyorladi.
— deya xabar beradi uff.uz nashri.