Yoz faslining dastlabki katta futbol kuniga ham etib keldik. To'g'ri, o'zbekistonlik ishqibozlar uchun hali muhim pallalar boshlanmagan. Ular uchun O'zbekiston terma jamoasining hali qiluvchi bahslari oldingi qatorlarda turaveradi.
Lekin, bugungi kunning salmog'i har birimiz uchun biroz terma jamoa hayajonidan chalg'ib, voqelikka yuz tutishga majbur qiladi. Ha, bugun Evropa Chempionlar ligasi musobaqasining so'nggi - final o'yini bo'lib o'tadi. Shu bosqichgacha etib kelgan Turinning "Yuventus" jamoasi Madridning "Real" klubiga mezbonlik qiladi.
Darhaqiqat, mazkur ikki klub barcha raqiblarini ortda qoldirdi va haqli ravishda bosh sovringa nomzodlik qilmoqda.
Mittigina Uels davlatining poytaxti Kardiff shahri UEFA tashkilotining klublar o'rtasidagi eng nufuzli sovrin egasini aniqlab beradi. Ne baxtki, biz ham dunyo muxlislari qatorida shu o'yinni kuzatamiz, ishqibozlik qilamiz va rohatlanamiz.
Agar ochiqchasiga aytadigan bo'lsak, bugun ko'pchilik "Yuventus" tarafiga o'tib oladi. Sababini yaxshi bilasiz, o'zi usiz ham muxlislari etarli bo'lgan jamoa yoniga "Barselona" ishqibozlari qo'shiladi. Bu tabiiydir. Agar finalda "Barsa" bo'lganida "Real" muxlislari "Yuve"ga qo'shilishardi.
Mayli, biz kuchli jamoa g'alaba qozonishi tarafdorimiz. Bundan faqat muxlis yutadi.
Eslatib o'tamiz, o'yin bugun tunda soat 23.45da boshlanadi.
— deya xabar beradi uff.uz nashri.