Andijondagi "Fyuchers" turniri hamyurtimiz Sanjar Fayziev g'alabasi bilan yakunlandi.
Tajribali tennischimiz final uchrashuvida azaliy raqibi - hindistonlik Sriram Balaji bilan raqobatlashdi. Bungacha Sanjar hindistonlik raqibiga ikki marotaba yutqazgan edi.
Tennischilarning uchinchi uchrashuvi o'zbekistonlik raketka ustasining to'liq ustunligida o'tdi. Bir soatu ikki daqiqa davom etgan o'yinda 6:3, 6:3 hisobida zafar quchgan Sanjar Fayziev bosh sovringa ega bo'ldi.
Sanjar Fayziev faoliyati davomida O'zbekiston, Qozog'iston va Kuvaytdagi turnirlarning yakkalik va juftlik musobaqalarida bir necha marotaba g'olib bo'lgan.
— deya xabar beradi uff.uz nashri.