Mana, JCh-2018 saralashidan o'rin olgan navbatdagi o'yinlar ham tobora yaqinlashmoqda. Esingizda bo'lsa, Osiyodagi kvalifikatsiya jarayoni «A» guruhi 7-turi doirasidagi 3ta o'yin ham 1:0 hisobida yakunlangandi. Umuman, 8-tur oldidan milliy jamoamiz o'rin olgan guruhda atigi 29ta gol urilgan bo'lsa, «V» vakillari darvozani naq 55 marta nishonga olishdi. Bu nimadan darak beradi? «A» guruhidan o'rin olgan jamoalar himoyasi kuchlimi yoki ikkinchi oltitalikdagi termalar hujumi? Xo'sh, bundan oldingi 2ta JCh saralashining hal qiluvchi raundi 7-turidan so'ng vaziyat qanday ko'rinish olgandi? Rossiya-2018. Bilasiz, jamoamiz bu safar oxirgi raundni ancha ishonchli boshladi. Faqat gollar kam. Quvontirayotgan jihat ham yo'q emas: g'alabali o'yinlarda darvozamiz daxlsizligini saqlab qoldik. Finishgacha 3ta o'yin bor. Taxminiy hisob-kitoblarga ko'ra, ularning 2tasida g'alaba qozonsak, JCh-2018 mundialiga to'g'ridan-to'g'ri yo'l olishimiz mumkin. To'g'ri, buning uchun asosiy raqobatchilarning imkon qadar ko'proq ochko yo'qotishlari talab etiladi. «A» guruhi. 7-turdan keyingi vaziyat. Umumiy holat hozirdanoq ancha tushunarli: Eron va J.Koreya termalarida imkoniyat ancha baland. Real qarasak, suriyaliklar hali 3-o'rindan umid uzishmagan. Zero, ular qolgan o'yinlarning 2tasida  Xitoy va Qatar termalariga qarshi mezbon sifatida maydonga tushishadi. Eronliklarning himoyaviy o'yin bobida qit'ada yaqqol etakchi bo'lishga intilayotganlari ko'rinib turibdi. Aynan shunisi ancha kutilmagan holat. Qarang, forslar 7ta o'yinda birorta gol qo'yib yuborishmadi. Mehdi Taremi sof hujumchi rolini Sardor Azmundan tortib olgani xususida bosh qotirishimiz kerakka o'xshaydi. Qatar va Xitoy termalarining ikkinchi davradagi o'yinlariga nazar tashlasak, har ikkisining nimagadir da'vo qilishi qiyin. Ular hozirgi holatdan kelib chiqib, Osiyo kubogi-2019 uchun tayyorgarlik ko'rsalar ham bo'laveradi. Lekin Qatar va Xitoy jamoalari «intriga»ni saqlab qolish uchun ham kerak. Jamoa            O'            G'       D       M         T-N     O Eron                      7            5        2        0       6-0     17 J.Koreya                7            4        1        2        9-7     13  O'zbekiston             7           4        0        3        6-4     12 Suriya 7 2        2        3          2-3         8 Xitoy 7 1        2        4          3-7         5 Qatar 7 1        1        5          3-8         4  «B» guruhi. 7-turdan keyingi vaziyat. Qur'adan so'ng ko'plab mutaxassislar ushbu guruhda salohiyat jihatidan bir-biriga teng raqiblar yig'ilganini e'tirof etgandilar. Biroq oxirgi Osiyo kubogida juda yaxshi taassurot qoldirgan Iroq va BAA termalari  hozircha yuqori pog'onanalardan ancha yiroq turibdi. Deylik, iroqliklar faqat 3-o'ringa umid bog'lashlari mumkin. BAA termasi esa bosh murabbiy Mahdi Ali bilan xayrlashdi. Omadsizlikning asosiy sababi shuki, raqiblar Umar Abdulrahmon - Ahmad Xalil - Ali Mabhut uchligini qurolsizlantirish uddasidan chiqishmoqda. Saudiya Arabistoni termasi o'yinlarida esa hamma Muhammad al Sahlaviydan xavf kutayotgan bir pallada Navaf al Obid va Yahyo al Shehriy katta sahnaga ko'tarilishdi. Lekin saudlar uchun haqiqiy sinovlar hali oldinda. Yaponiya termasi safida ikki Shinji - Okazaki va Kagava bundan 4 yil oldin aynan shu vaqtda muhim gollari bilan qimmatli ochkolar qo'lga kiritilishida katta rol o'ynashgandi. «Samuraylar» qolgan 3ta o'yinda ham shu yo'sinda to'p surib, yo'llanmaning uzoqlashib ketishiga yo'l qo'ymasalar kerak. Jamoa              O'       G'        D       M         T-N        O Yaponiya 7 5        1        1          14-5      16 S.Arabistoni 7 5        1        1          13-5      16 Avstraliya 7 3        4        0          11-6      13 BAA 7 3        0        4          7-10      9 Iroq 7 1        1        5          7-10      4 Tailand 7 0        1        6          3-19      1 Braziliya-2014. Biz uchun mundial yo'lidagi 5-urinish printsipial xarakter kasb etardi. Terma jamoamiz tarkibi ayni kuchga to'lgan va ulkan maqsadlarni bajarishga qodirdek ko'ringani ham rost. Xususan, arab jamoalari bizdan hayiqib turar, hattoki, Yaponiya va J.Koreya termalari ham xavotirga tusha boshlagandi. Albatta, bu holat biz - matbuot vakilari uchun yoqimli edi. «A» guruhi. 7-turdan keyingi vaziyat. DAVOMI InterFutbol.uz ning Telegram dagi sahifasiga ulaning – eng so'nggi yangiliklar, qiziqarli bloglar va tahliliy materiallar endi bir to'plamda.
— deya xabar beradi uff.uz nashri.