Madridning “Real” klubi prezidenti Florentino Peres Chempionlar Ligasi finalida “Yuventus” ustidan qozonilgan g'alaba (4:1) dan so'ng, Krishtianu Ronalduning navbatdagi "Oltin to'p"ni qo'lga kiritishiga ishonmoqda. “Yaxshi o'yin ko'rsatib, g'alaba qozonganimizdan xursandmiz. Futbol – ajoyib sport turi hisoblanadi. Endi g'alaba qozonishda davom etib, keyingi mavsumda ham rekordlar qayd etishni istaymiz. Krishtianu haqida nima ham derdim? Shubhasiz, u beshinchi "Oltin to'p"ni qo'lga kiritadi. Ushbu mavsum Ronaldu sovringa ko'proq munosib. Zidan haqida gapirsam, 2001 yil bizning safimizga qo'shilganida eng yaxshi futbolchi edi. Endi huddi shu ta'rifga murabbiylik sohasida ham loyiq bo'lmoqda. Keyingi mavsumga tarkib? Shu masalani Zidan bilan maslahatlashishim lozim, zero u orkestorimizning dirijyori sanaladi”, - deydi Peres
— deya xabar beradi uff.uz nashri.