Madridning “Real” klubi yarim himoyachisi Xames Rodriges jamoani tark etishini tasdiqladi, Bu haqda AS xabar bermoqda. Manbaning xabariga ko'ra, kolumbiyalik futbolchi agenti Jorje Mendeshdan agar bosh murabbiyi Zinedin Zidan “Real”dagi ishini davom ettiradigan bo'lsa, yangi jamoa topishni so'ragan. Ma'lumki, frantsiyalik mutaxassis hozirda “Real”ni tark etish niyatida emas, bundan tashqari klub prezidenti Florentino Peres Zidan bilan shartnomani uzaytirishni rejalashtirgan. Eslatib o'tamiz, Rodriges xizmatlariga ayni damda “Manchester Yunayted” va PSJ klublari qiziqish bildirishmoqda.
— deya xabar beradi uff.uz nashri.