Mamlakat chempionatining oliy ligasida yuzaga kelgan qisqa tanaffus tufayli jamoamiz a'zolari ham “Neftchi” bilan o'tgan o'yindan keyin qisqa muddatlik ta'tilga chiqishgandi. Bir necha kun davomida dam olish imkoniga ega bo'lgan jamoamiz a'zolari bugun Namangandagi klub qarorgohida to'planishdi. Kecha futbolchilarimiz mashg'ulotda ishtirok etish orqali Jizzaxda “So'g'diyona” jamoasiga qarshi uchrashuvga tayyorgarlikni boshlashdi. Eslatib o'tamiz, 13-turdan o'rin olgan “So'g'diyona” – “Navbahor” jamoalari o'rtasidagi uchrashuv 14 iyun kuni bo'lib o'tadi. Odatga ko'ra bir kun oldin jamoalarning yoshlari o'zaro bahs olib borishadi.
— deya xabar beradi uff.uz nashri.