29 may kuni «Barselona»ni Ernesto Valverde boshqarishi ma'lum qilindi. Undan bir kun oldin kataloniyaliklar Ispaniya kubogini qo'lga kiritishgandi. To'g'risi, «ko'k-anorranglilar» uchun mavsum muvaffaqiyatsiz kechdi. Hech qanday kubok bu kamchilik o'rnini to'ldira olmaydi. Yangi murabbiy, umuman, bunday mutaxassislarga taktika borasida gapirish noo'rin. Ammo «Barsa» oldingi mavqeini tiklash uchun ayrim ishlarni amalga oshirishi lozim. Bombardir.ru ushbu masalaga to'xtalib, aynan qaysi masalalar hal etilishi lozimligiga e'tibor qaratdi. Birinchi qadam: O'ng qanot himoyachisi xarid qilish: - Bugungi kunda bu «Barselona»ning asosiy muammosi. Kataloniyaliklar Dani Alvesdan osongina voz kechib yuborishdi. Braziliyalik futbolchi esa «Yuventus»­da etakchilardan biriga aylandi. Joriy mavsumda uning o'rnini to'ldiradigan futbolchi topa olishmadi. 90 foiz o'yinlarda mazkur vazifani Serxi Roberto bajardi. Ammo bu yigitni ayblab bo'lmaydi, chunki qanot himoyasi uning haqiqiy nuqtasi emas. Aleysh Vidal esa dastlab murabbiy bilan chiqisholmay, maydonga tushmadi. Tomonlar murosa ko'chasiga kirishganidan so'ng Dani Alves singari o'ynay boshladi. Biroq og'ir jarohat barchasini barbod qildi. Butun bir mavsumni haqiqiy o'ng qanot himoyachisisiz o'tkazishni tushunish qiyin. Shu bois, Valverde selektsionerlar bilan yaxshi ishlashiga to'g'ri keladi. Jamoaga saviyali o'ng qanot himoyachisi juda muhim. Ikkinchi qadam: La Masiya bilan aloqani tiklash: - «Barselona»ning Kantera bilan aloqasi hozirgidek uzilib qolmagandi. Bu erda gap avlodlar inqirozida emas, barchasi bosh murabbiyga bog'liq. Gvardiola davrida klub tarbiyalanuvchilariga o'zlarini ko'rsatishlari uchun imkon berilardi. Pep Serxi Robertoning yuqori saviyaga chiqishida yordam bergan. Bugungi kunda bu yigit asosiy tarkib o'yinchisiga aylanib ulgurgan. Enrike esa «Barselona B» bilan mustahkam aloqa o'rnatmadi, aftidan, u bunday mas'uliyatni zimmasiga olishdan cho'chigan. Vaholanki, mavsum davomida kamchiliklarni klub tarbiyalanuvchilari hisobiga bartaraf etsa bo'lardi. Aytaylik, autsayderlarga qarshi uchrashuvlarda vunderkind Serxi Palensiyaning xizmatlaridan foydalanish mumkin edi. Shu bilan birga Robertoda ham biroz dam olish imkoniyati tug'ilardi. Agar La Masiya konveyeridan to'g'ri foydalanilsa, yakunda sifatli «mahsulot»ga ega bo'lish mumkin. Messi, Inesta, Xavi, Pikelarni unutmang. Ular aynan akademiya tarbiyalanuvchilari hisoblanishadi. Agar Raykaard akademiyani inkor etganida nima bo'lardi? Hozir Messi qaerda o'ynardi? Yangi murabbiy asosiy jamoa va akademiya bilan o'ziga xos ko'prik o'rnatishi lozim. Ayni payt qog'ozda ikki nafar iqtidorli yoshlar bor - Li va Mbula. Ularga ochilishlari uchun imkon berish kerak. Uchinchi qadam: Messi va Inestani saqlab qolish: - DAVOMI InterFutbol.uz ning Telegram dagi sahifasiga ulaning – eng so'nggi yangiliklar, qiziqarli bloglar va tahliliy materiallar endi bir to'plamda.
— deya xabar beradi uff.uz nashri.