Dortmundning «Borussiya» klubi murabbiylar shtabi hujumchi Usmon Dembele bilan xayrlashmoqchi emaslar. Biroq futbolchi «Barselona»da o'ynashni xohlamoqda va bu haqida klub rahbariyatini ogohlantirgan, deya xabar qilmoqda Mundo Deportivo nashri. Agar «Borussiya» futbolchini sotish qaroriga kelsa ham, u holda unga juda katta narx qo'yadi. Aytilishicha, nemis klubi hujumchi uchun 90 mln evrodan kam narx aytmaydi. Dortmundliklarning o'zlari ushbu futbolchiga 15 mln evro sarflaganlar holos. «Barselona» o'tgan yili ushbu futbolchini «Renn» klubidan sotib olmoqchi bo'lgandi, biroq Dembele ushbu taklifni rad etgan edi. Futbolchi uchun eng muhimi o'yin amaliyoti edi va hujumchi «Borussiya»ni tanladi. Dembele ushbu mavsum Germaniya chempionatining 32 o'yinida maydonga tushib, 6 gol va 13 ta golli uzatmaga mualliflik qildi. Uning «Borussiya» bilan amaldagi shartnomasi 2021 yilga qadar mo'ljallangan.
— deya xabar beradi uff.uz nashri.