Oliy liganing 12-turidan so'ng O'zbekiston milliy terma jamoasining bo'lib o'tadigan uchrashuvlari tufayli qisqa tanafus yuzaga keldi. Ushbu tanafusdan unumli foydalanish maqsadida “Buxoro” jamoasi navbatdagi turga puxta hozirlik ko'rish uchun Toshkentda yig'in o'tkazmoqda. Yig'in davomida futbolchilarning o'yin amaliyotini me'yorda ushlab turish maqsadida bitta nazorat uchrashuvi tashkillashtiriladi. Bugun, ya'ni 9 iyun kuni “Buxoro” Toshkentning “Obod” jamoasi bilan o'rtoqlik uchrashuvi o'tkazadi. Eslatib o'tamiz, oliy liganing 13-tur doirasida “Buxoro” o'z maydonida Toshkentning “Lokomotiv” jamoasini qabul qiladi. Uchrashuv 15 iyun kuni bo'lib o'tadi.
— deya xabar beradi uff.uz nashri.