“Jenoa” sport direktori Daniele Fajiano o'zbekistonlik hujumchining transferi tez fursatlarda amalga oshishini tasdiqladi.
“Bitim shartlari bo'yicha kelishib oldik. O'ylaymanki, SHomurodov yaqin vaqt ichida Italiya uchib keladi. Bu tez orada yuz beradi deb umid qilaman”, deya aytgan Fajiano.
Oldinroq "Jenoa" o'zbekistonlik futbolchi uchun 7,5 million evro to'lashi va SHomurodovning o'zi yiliga 600-700 ming evro maosh olishi haqida xabarlar chiqqan edi.
Eslatib o'tamiz, SHomurodov 2017 yilning yozidan beri "Rostov" sharafini himoya qiladi. Eldor Rossiya klubida umumiy barcha musobaqalarda 91ta o'yinda maydonga tushib, 18ta gol va 12ta assist qayd etgan.
Malumot o'rnida, genuyaliklar A Seriya joriy mavsum 3 turidan keyin 3 ochko to'plagan holda 12-o'rinda bormoqda.
Eshitdik-da! Eldor SHomurodov ertaga "Jenoa" bilan shartnoma tuzadi
Bosh sahifaga
341