"KYU-2015": "Bunyodkor"dan yirik g'alaba, "Spartak"dan durang

Kecha poytaxtimizdagi "Mega Planet" savdo majmuasidagi, "Mega Cinema" kinoteatrida 3D formatidagi "Maxluqlar tatilda" (Monstry na kanikulax 2) multfilmini miriqib tomosha qilgan bolalar, bugun "Bunyodkor" stadionining mini futbol zalida ikkinchi tur o'yinlarini o'tkazish uchun to'plandilar.

Birinchi juftlikda zal egalari "Paxtakor" futbolchilariga qarshi maydonga tushdilar. Ilk turda bir xil hisobda g'alaba qozongan ikki jamoa ishtirokidagi uchrashuv qiziqarli va gollarga boy bo'ldi. Birinchi bo'limda ikki to'p farqi bilan oldinga chiqib olgan Sarvar Mustafoev shogirdlari tanaffusdan so'ng ham tashabbusni o'z qo'llarida ushlab tura oldilar. Aksincha, hisobda ortda qolayotgan paxtakorchilar oldinga chiqa boshladilar bu esa "Bunyodkor" uchun qarshi hujum qilishga ayni muddao bo'ldi. Hisob 2:1 ko'rinish olganidan so'ng, hech bo'lmasa durangga imkoniyati paydo bo'lgan "Paxtakor" imkon qadar hujum qilishga urindi. Ammo keyingi uchta gol ularning darvozalariga kiritildi. 38-daqiqada kiritilgan gol esa hisobni biroz qisqartirdi, 5:2.

"Bunyodkor" - "Paxtakor" 5:2 (2:0)

"Bunyodkor": Azimov M, Ikromov X, Abdusalomov A, Tursunxo'jaev, yusupov I, Ergashev E, Ismoilov R, Bobomurodov F, Boltaev O, Ahmedov O, Nodirov A, Tunsunboev A.

Murabbiy: Sarar Mustafoev, Stromilov A.

"Paxtakor": Mansurov SH, Baxtiyorov M, Abdullaev A, Hikmatullaev M, Atometov A, Rixsiboev S, Li Vladimir, Iskanderov A, Mirafzalov A, Norbiev M, Usmonov K, Asqarov J.

Murabbiy: Viktor SHimyakov.

Garchand, "Spartak" asosan Toshkentda o'z nomiga ega jamoa bo'lsada, ularni hech kim bu erda kuchsiz deb ayta olmaydi. "Lokomotiv" esa endi shakillanayotgan futbol maktabi. SHuning uchun ham bugungi o'yin qiziqarli kechishini taxmin qilish mumkin edi. Ikki jamoa posboni yaxshi turganligidan darvozalar daxlsizligi saqlanib qolindi. 

"Lokomotiv" - "Spartak" 0:0

"Lokomotiv": Sibgatulin R, Baxtiyorov SH, SHokirov M, Amatov A, Bahodirov K, Uchqunov M, Alisherov A, Mirzaev L, Xazigaliev A, Ashurov A, Jo'raev Hasan, Jo'raev Husan.

Murabbiy: Sunnat Ro'ziev.

"Spartak": Xudoyberdiev, Murodjonov M, Murodjonov M - 2, Vasilev A, Bahodirov J, Bahodirov K, Ikromov M, Tursunmuhamedov S, Mirzajalilov M, Akbarov N, O'rinboev, Obidov A.

Murabbiy: Sergey Arslanov.

Kecha bo'lganidek, bugun ham uchrashuvning eng yaxshi futbolchilariga telefon sovg'a qilindi. "Bunyodkor" - "Paxtakor" uchrashuvida Otabek Boltaev sazovor bo'lgan bo'lsa, "Lokomotiv" - "Spartak" o'yinida Laziz Mirzaev eng yaxshi bo'ldi. Aynan shu futbolchiga bugun o'yinni kuzatgan mutaxassislar ham katta qiziqish bildirdilar.

"Akfa Olami"dan Bahodir Ashurmatov eng yaxshi futbolchini taqdirlayapti.

Farzandning muvaffaqiyati, har qanday ota-onani xushnud etadi.