EVRO-2016. Pley-off. Norvegiya - Vengriya uchrashuvi prevyusi
/ Kiritdi: BestMaster O'qilgan: 1517
Bugun EVRO-2016 saralashi pley-off bosqichi dastlabki o'yini doirasidagi Norvegiya - Vengriya uchrashuvi bo'lib o'tadi.
Norvegiya - Vengriya
13 noyabr 2015. Oslo. "Ullevol" stadioni. 00:45.
Taxminiy tarkiblar:
Norvegiya: Nyulann; Elabdellaui, Forren, Xovlann, Xegli; SHelbred, Yoxansen, Tetti, Berget; Xenriksen; Sederlunn.
So'roq ostida: Xegli (bel)
Vengriya: Kiray; Leandro, Kadar, Guzmich, Fiolo; Elek, Nod; Djudjak, Gero, Nemet; Nikolich.
O'ynamaydi: Yuxas (diskvalifikaciya)
- Norvegiya 30 yildan buyon Vengriyaga yutqazmayapti
- Norvegiya saralashdagi oxirgi 4ta o'yinning 3tasida g'alaba qozondi va 1 marta durang o'ynadi
- Vengriyalik darvozabon Gabor Kiray agar maydonga tushsa terma jamoada 100ta o'yin o'tkazgan ikkinchi futbolchiga aylanadi
- Javob o'yini yakshanba kuni (15 noyabr) Budapeshtda bo'lib o'tadi
Norvegiya terma jamoasi bosh murabbiyi Per-Matias Xegmo:
Norvegiya terma jamoasi oxirgi 20 yilda noyabr oyidagi barcha 6ta uy o'yinida yutqazgani meni tashvishga solayotgani yo'q. Tarkibimizda evrokuboklarda o'ynayotgan futbolchilar bor, ularning jismoniy formalari vengrlarga qarshi bahsda bizga qo'l keladi. Bu butunlay yangi Norvegiya. Hamon jamoani "qurayapmiz". Futbolchilar o'zlariga ishonishmoqda.
Vengriya terma jamoasi bosh murabbiyi Bernd SHtork:
Yaxshi start muhim, g'alaba qozonsak ajoyib bo'lardi. Norvegiyada kuchli jamoa bor, futbolchilari CHempionlar ligasi va Evropa ligasida o'ynashmoqda. Ancha oldin yig'ilib jamoaviy ruh borasida ish olib bordik. Tarkibimizda etakchi futbolchilar yig'ilgan, ular ajoyib futbol namoyish etishga tayyorlar.
Saralashdagi natijalar
Norvegiya: "H" guruhida uchinchi o'rin
6ta g'alaba, 1ta durang, 3ta mag'lubiyat, to'plar nisbati: 13-10
Vengriya: "F" guruhida uchinchi o'rin
4ta g'alaba, 4ta durang, 2ta mag'lubiyat, to'plar nisbati: 11-9
EVRO pley-off bosqichidagi natijasi:
Norvegiya: 1ta mag'lubiyat
Vengriya: o'ynamagan
Bilasizmi?
Agar Turkiya so'nggi daqiqalarda Islandiyaga gol urmaganida yoki Qozog'istonning Latviya ustidan kutilmagan g'alabasi bo'lmaganida Vengriya terma jamoasi to'g'ridan-to'g'ri EVRO-2016ga yo'llanma olardi.
Bosh sahifaga
104