Muxtor Qurbonov: "Moddiy muammolar o'ylaganlarimizni amalga oshirish uchun to'sqinlik qildi"

Muxtor Qurbonov, “SHo'rtan” FK bosh murabbiyi: “Metallurg” ancha shakllangan jamoa. Oxirgi turda o'yin og'ir kechishini bilgandik. SHunday bo'lib chiqdi ham. Ammo Bekobodga g'alaba ishtiyoqida kelgandik. O'yinchilarimizning aksariyat vaziyatlarda asabiylashishi pand berdi. Ikkinchi taymda o'yinda burilish yasashga ham erishdik. Ammo o'zimiz uchun kerakli bo'lgan natijaga erisha olmadik. G'alaba bilan bekobodliklarni tabriklayman.

Bu yilgi mavsumda kuchli o'ntalikka kirish oldimizga vazifa qilib qo'yilgandi. Lekin ko'nglimda ettinchi-sakkizinchi o'rinlar uchun kurashish niyati ham yo'q emasdi. Buning uchun potencial imkoniyatimiz etardi. Afsuski mavsum davomidagi bir qator qiyinchiliklar, ayniqsa moddiy muammolar barcha o'ylaganlarimizni amalga oshirish uchun to'sqinlik qildi. SHunday bo'lsa-da, debyutant uchun 11-o'rin yomon natija deb o'ylamayman. Keyingi mavsum bu yil yo'l qo'yilgan xato va kamchiliklardan to'g'ri xulosa chiqargan holda, yanada yuqori maqsadlar uchun kurashamiz.