Ro'ziqul Berdiev va Igor Sergeev oktyabr oyi laureatlari
/ Kiritdi: BestMaster O'qilgan: 1659
O'zbekiston Professional futbol ligasi va “Championat.asia” hamkorligida tashkil etilgan oy laureatlarining navbatdagi g'olibi aniqlandi.
Unga ko'ra Qarshining “Nasaf” klubi bosh murabbiyi Ro'ziqul berdiev 71 ochko to'plab oktyabr oyining eng yaxshi murabbiyi deb topildi. Oktyabr oyida Berdiev boshchiligidagi “Nasaf” klubi “Neftchi” va “So'g'diyona”ni mag'lub etdi, “Bunyodkor” va “Dinamo” bilan durang o'ynadi. Bundan tashqari o'tgan oy “ajdarlar” o'z tarixida il kbor O'zbekiston kubogini qo'lga kiritishdi. Ro'ziqul Berdiev avgustda ham oyning eng yaxshi murabbiyi nomiga sazovor bo'lgan edi.
Undan keyingi o'rinni 56 ochko to'plagan “Andijon” ustozi Sergey Kovshov band etdi. Andijonliklar oktyabr oyida chempionatda 4ta o'yin o'tkazib ularning 3tasida g'alabaga erishishdi.
Kuchli uchlikni “Lokomotiv” klubi bosh murabbiy lavozimini bajaruvchisi bo'lgan Andrey Miklyaev yakunlab berdi. Miklyaev 45 ochko to'pladi. “Temiryo'lchilar” ushbu murabbiy qo'l ostida o'tgan oyda chempionatda uchta o'yin o'tkazib ularning barchasida raqibni mag'lub etishdi.
Toshkentning “Paxtakor” klubi hujumchisi Igor Sergeev oktyabr oyining eng yaxshi futbolchisi deb topildi. O'tgan oyda “So'g'diyona”, “Dinamo” va “Mashal” (2ta) bilan o'yinlarda jami 4ta gol urgan Sergeev so'rovnomada 63 ochko to'pladi. Takidlash lozimki, hujumchi iyun oyida ham ushbu so'rovnomada eng yaxshi futbolchi deb topilgan edi.
Undan keyingi o'rinni “Navbahor” hujumchisi SHahboz Erkinov band etdi. O'tgan oyda to'rtta o'yinda to'rtta gol urgan futbolchi 42 ochko jamg'ardi. Uchinchi o'rinda “Andijon” klubi hujumchisi Anvar Berdiev qayd etildi. Oktyabrda 4ta o'yinda 3ta gol urgan tajribali futbolchi 40 ochko to'pladi.
Oktyabr oyi so'rovnomasi natijalari
Oktyabr oyi so'rovnomasi natijalari
| O'rin | Murabbiy | I | II | III | IV | V | Jami |
| 1 | Ro'ziqul Berdiev | 12 | 2 | 1 | - | - | 71 |
| 2 | Sergey Kovshov | 2 | 7 | 5 | 1 | 1 | 56 |
| 3 | Andrey Miklyaev | 1 | 3 | 7 | 2 | 3 | 45 |
| 4 | Bobur Zuhriddinov | 1 | 2 | 2 | 2 | 8 | 31 |
| 5 | Baxtiyor Boboev | - | 2 | 1 | 9 | 2 | 31 |
| O'rin | Futbolchi | I | II | III | IV | V | Jami |
| 1 | Igor Sergeev | 7 | 5 | 2 | 1 | - | 63 |
| 2 | SHahboz Erkinov | 3 | 2 | 5 | 1 | 2 | 42 |
| 3 | Anvar Berdiev | 1 | 6 | 2 | 1 | 3 | 40 |
| 4 | Artur Gevorkyan | 4 | 1 | 2 | - | 2 | 32 |
| 5 | Doston Hamdamov | 1 | 2 | - | 5 | 2 | 25 |
| 6 | Marat Bikmaev | - | - | 2 | 3 | 3 | 15 |
| 7 | Ilhom SHomurodov | - | - | 2 | 3 | 1 | 13 |
| 8 | Akmal SHorahmedov | - | - | - | 1 | 1 | 3 |
| 9 | Murod Zuhurov | - | - | 1 | - | - | 3 |
| 10 | Nemanya Yanichich | - | - | - | - | 1 | 1 |
Bosh sahifaga
225