"Paxtakor": Raqiblarimiz qanday holatda?
/ Kiritdi: BestMaster O'qilgan: 1463
CHempionlar ligasidagi raqiblarimizning ichki musobaqalardagi ishtiroki haqida malumot beramiz.
Saudiya Arabistonining eng mashhur klubi sanalgan "Al Hilol" kecha o'z maydonida chempionatning 10-turida "Al Ahli"ga 1:2 hisobida imkoniyatni boy berdi. Jamoa 10 uchrashuvda 24 ochko to'plagan holda peshqadamlik qilmoqda. Karlos Eduardo va Ailton tandemi hujumda juda yaxshi harakat qilmoqda. "Valiahd SHahzoda Kubogi"da "Hilol" chorak finalda "Al Qadasiya"ni qabul qiladi. G'alaba qozongan taqdirda yarim finalda "SHabab"ga qarshi maydonga chiqadi. Yana bir kubok musobaqasida yuqori liga vakillari hozircha ishtiroklarini boshlamadi. Jamoani grek millatiga mansub Giorgos Donis boshqarmoqda.
"Traktorsozi" esa Eron chempionatida 13 turdan keyin 18 ochko to'plab, 9-pog'onada bormoqda. Eron Kubogida jamoa yarim finalda "Istiqlol" bilan maydonga tushadi. Tabriz klubiga Amir Galenoi boshchilik qilmoqda.
"Al Jazira" Abel Braga qo'l ostida mavsumni muvafffaqiyatsiz o'tkazmoqda. Oxirgi bahsda "Fujayra"dan 0:4 hisobida engildi. 11 o'yinda 11 ochko to'plagan "Jazira" 11-o'rinda boryapti. Kubok musobaqalarida hozircha ishtirokini davom ettirmoqda.
"Sadd" kecha chempionat bellauvida "Rayyan"ni 2:1 hisobida mag'lub etdi. Jezualdo Ferreyra shogirdlari 12 o'yinda 24 ochko to'plab, 2-o'rinda borishmoqda. Peshqadam "Rayyan" 9 ochko oldinga o'tib ketgan.
Bosh sahifaga
88
