Sergey Lushchan – “Bunyodkor” FK sport direktori

Aynan tuzilmaviy o'zgarishlarga muvofiq, Sergey Ivanovich Lushchan endi “Bunyodkor” FKning sport direktori lavozimida ishlaydi. U klubning asosiy tarkibida faoliyat yuritayotgan malakali murabbiylar kengashi azoligiga ham qo'shildi.

Futbol jamoatchiligi Sergey Lushchan bilan yaxshi tanish.

U o'z vaqtida “Bunyodkor” safida to'p tepgan, jamoa sardori bo'lgan.

Sergey Lushchan futbolchilik faoliyatini yakunlaganidan so'ng “Bunyodkor” bolalar-o'smirlar futbol maktabini tashkil etishda va uni rivojlantirishda jonbozlik ko'rsatdi. Bugungi kunda O'zbekiston o'smirlar, yoshlar va olimpiya terma jamoalari safida bir nechta “Bunyodkor” tarbiyalanuvchilari harakat qilishmoqda. Bunda albatta Sergey Ivanovichning o'z hissasi bor.

2014 yilning yoz fasilida Sergey Lushchan asosiy jamoaning bosh murabbiyi etib tayinlandi. Aynan u ishlagan davrda “Bunyodkor”ning asosiy tarkibidan bir nechta yosh futbolchilarga o'zlarini ko'rsatish uchun imkoniyatlar berildi va bundan yosh iqtidorlar unumli foydalanishdi. Yangi Zelandiyada o'tgan yoshlar o'rtasidagi jahon chempionatida O'zbekiston terma jamoasi safidagi futbolchilarning 10 nafari aynan Sergey Lushchanning shogirdlari edi. Ularning uch nafari – Dostonbek Hamdamov, Zabihillo O'rinboev va Eldor SHomurodov 2015 yil yakunlariga ko'ra, Osiyoning eng yaxshi yosh futbolchisi nominaciyasining yakuniy uchlik ro'yxatidan o'rin olishdi. Yakunda mukofot futbol sir-asrorlarining dastlabki qadamlaridan boshlab Lushchan qo'l ostida o'rgangan Dostonbek Hamdamovga nasib qildi. SHuningdek, tarkibning deyarli barchasi o'z akademiyamiz tarbiyalanuvchilari hisobiga to'ldirilgan o'rinbosarlarimiz 2015 yilgi Yoshlar birinchiligi g'olibligini qo'lga kiritishdi.

Sergey Lushchan o'z shogirdlari bilan ikki bor mamlakat kubogi finaliga yo'llanma oldi.

Agar bugungi kungacha Sergey Ivanovich futbol maktabiga direktorlik qilgan bo'lsa, bundan buyon uning rahbarlik vazifalari yana ham kengaydi. Endi uning zimmasiga yosh bolalardan tortib, to asosiy tarkibgacha bo'lgan barcha jamoalarga etibor qaratish vazifasi yuklandi.

“Bunyodkor” FKning yangi sport direktoriga nafaqat klubning balki, butun boshli o'zbek futbolini rivojlantirish yo'lidagi mashaqqatli mehnatida ulkan muvaffaqiyatlar tilaymiz.