Andijonda nima gap?

SHo'rbuloq dahasida joylashgan, “Futbolga ixtisoslashtirilgan maktab-internati”ning suniy maydonida o'tgan uchrashuvda mezbonlar 2:1 hisobida g'alaba qozondi. Takidlash lozimki, oliy liga vakili “Andijon” murabbiylari shu kuni asosan yoshlar jamoasidagi futbolchilarni sinovdan o'tkazdi. “Burgutlar”ning ilk yig'ini mahalliy futbolchilar ishtirokida bo'layotgani sababli ham bahsda asosan yoshlar o'ynadi. 

Bu yilgi birinchi liga o'yinlarida 3-o'rinni band etgan “UzDongJu” ham allaqachon o'z qarorgohida yig'inni boshlab yuborgan. Abdurashid Ismoilov boshqaruvidagi jamoa tarkibida jiddiy o'zgarishlarni ko'rmadik. Ammo jamoa etakchilari bo'lgan Bekzod G'oziev bilan Akmal Jo'raboevni shu kuni maydonda uchratmadik. Aytishlaricha G'oziev ayni damda xarbiy xizmatda ekan.

“Andijon” mashg'ulotlari esa Nozim Mullaoxunov va Vitaliy Legay boshchiligida o'tkazilmoqda. Bugun ushbu jamoa safida Muqimjon Toshmatovning o'ynaganini ko'rdik. Yakuniga etgan mavsumni Jizzaxning “So'g'diyona” jamoasida o'tkazgan andijonlik futbolchining keyingi taqdiri qanday kechishi hozircha malum emas.

“UzDongJu” – “Andijon” 2:1.

Andijon. SHo'rbuloq dahasi. 

Hakamlar: Temur To'xtasinov, Anvar Marajabov, SHoxruh Akramov.

Gollar: Islom Karimov (2ta) – Xondamir Yuldashev

“UzDongJu”: 28.Muzaffar Abdullaev, Sardor Asqarov, Abdurasul Komilov, Azizbek Qayumov, Akbar Xodjaev, Fehruz Salohiddinov, Alisher To'xtasinov, Usmonali Ismonaliev, Salohiddin Salohiddinov, Islom Karimov, Isroil Tursunov.

Zaxiradan tushganlar: Islom O'rmonov, Elyor O'rmonov, Nodir Teshaboev va bir qator yoshlar. 

“Andijon”: Barakatillo Isroilov, Artur Mamatkazin, Dilmurod Mahmudov, Ilhom Usubjonov, Farruh Mirzaev, Asror Rahmonov, Ibrohim Otaxonov, Farhod Bekmurotov, SHoxsulton Parpiev, SHahboz Jumaboev, Muqimjon Toshmatov. 

Zaxiradan tushganlar: Xondamir Yuldashev, Madamin Mahmudov, Abror Komilov, Ikromiddin Zaynobiddinov va bir qator yoshlar.

Mazkur o'yindan so'ng har ikki jamoa murabbiylari ham futbolchilarga ikki kunlik dam berdi. Endi 21 yanvardan yana mashg'ulotlar boshlanadi. “UzDongJu”ning ayrim futbolchilari shu kundan boshlab, “Andijon” ixtiyorida bo'lishi aytilmoqda. Ammo ularning aynan kimlar ekanligi hozircha oshkor etilmayapti. "Andijon" rahbariyatida o'zgarishlar yuz bermoqda. Bu haqda keyinroq batafsil malumot beramiz. Bosh murabbiy masalasi ham shu kunlarda rasman tasdiqlansa ajab emas.