Xose Mariya Mendez: "Mundial yo'llanmasi uchun 3ta davogar aniq"
/ Kiritdi: BestMaster O'qilgan: 1583
Futzal bo'yicha O'zbekiston terma jamoasi bosh murabbiyi, ispaniyalik Xose Mariya Mendez Toshkentdagi Osiyo chempionatidan oldin o'z fikrlarini bildirib o'tdi.
- Janob Mendez, Qatarga qarshi o'yinlar haqida nima deya olasiz?
- Dekabr oyi boshida Qatarga qarshi ikkita o'yin o'tkazib qaytdik. Dastlabki uchrashuvda mezbonlar 5:4 hisobida g'olib bo'lishdi. Ikkinchi bahsda jamoamiz 3:2 hisobida zafar quchdi. Oldin bu jamoa futzalda u qadar kuchli emas edi. Hozir Qatar safida uch nafar braziliyalik va bir nafar misrlik futzalchi o'ynamoqda. SHu bois ham bu jamoa Jahon chempionati yo'llanmasi uchun davogarlar orasiga qo'shildi deb bemalol ayta olaman. Ular fevral oyidagi qita chempionatida syurpriz qilishi mumkin.
- Osiyo chempionatida jamoalar Kolumbiyadagi mundialga 5ta yo'llanma uchun kurash olib borishadi. Sizningcha bu borada favoritlar qaysi jamoalar?
- Tan olish kerak Osiyoda eng kuchli uchta jamoa bor: Eron, Yaponiya va Tailand. Eron va Yaponiya nafaqat qitamizda, balki jahonda ham o'z o'rniga ega jamoalardir. Mana shu termalar mundialga beriladigan 3ta yo'llanmaga eng asosiy davogar hisoblanishadi. Qolgan ikki yo'llanma uchun O'zbekiston, Livan, Vetnam, Avstraliya, Qatar va Xitoy kurash olib boradi. Tabiiyki biz o'z muxlislarimiz qarshisida ilk bor Jahon chempionati yo'llanmasiga ega chiqish uchun o'ynaymiz, - deydi Mendez.
Eslatib o'tamiz, futzal bo'yicha O'zbekiston terma jamoasi fevral oyida Toshkentda o'tadigan Osiyo chempionatida ishtirok etadi. Unda Xose Mariya Mendez shogirdlari "A" guruhida Livan, Qirg'iziston va Saudiya Arabistoni bilan kurash olib boradi.
Jasur Aslanov yozib oldi
Bosh sahifaga
167
