Hozirda «Barselona» sharafini himoya qilayotgan «River Pleyt» sobiq futbolchisi Xavier Maskerano faoliyatini aynan shu klubda yakunlashi mumkin. Bu haqda uning akasi Sebastian Maskerano ta'kidlab o'tgan.
«Men Xavier aynan «River Pleyt»da butsalarini mixga ilishini aytgan bo'lardim. Bu klub unga juda ko'p narsa bergan. Ukam qancha natijaga yerishgan bo'lsa, bularning barchasida «River Pleyt»ning hissasi bor. Uning o'zi ham «River Pleyt»ga qaytib, murabbiylik faoliyatini boshlashni istamoqda», — deya katta Maskeranoning so'zlarini keltiradi Yel Mundo Deportivo.
Eslatib o'tamiz, Maskerano «River Pleyt» safida 2003-2005 yillarda to'p surgan. Shuningdek, u Braziliyaning «Korintians», Angliyaning «Vest Hem» va «Liverpul» klublari sharafini himoya qilgan.
Bosh sahifaga
173