Hozirda Luis Yenrikega yordam berayotgan Xuan Karlos Unsue «Barselona»ning yangi bosh murabbiyi yetib tayinlanishi mumkin. Bu haqda Marca nashri xabar tarqatdi.
Manbada yozilishicha, kataloniyaliklar hozirda bir qator murabbiylar qatorida aynan Unsuenin nomzodini ko'rib chiqmoqda, lekin bosh murabbiylik postiga «Atletik» bosh murabbiy Yernesto Valverde hamon asosiy nomzod sifatida qolmoqda.
Biroq «Barselona»ning falsafalaridan biri jamoaga bosh murabbiy bo'ladigan mutaxassis uni ichida bilishi lozim bo'ladi. Yevropa chempionlar ligasining 1/8 finalidan o'rin olgan «PSJ»ga qarshi uchrashuvdan (6:1) so'ng Xuan Karlos Unsuening imkoniyatlari ham oshgan.
Unsue 1988-1990 yillarda «Barselona» tarkibida darvozabon sifatida harakat qilgan va bir necha uchrashuvlarda maydonga tushgan. Keynroq u Frank Raykaard va Xosep Gvardiola bosh murabbiyligi davrida yordamchilar qatorida jamoada ish olib borgan. Unsue klubga 2014 yilda Luis Yenrike bilan birga qaytgan, ungacha u aynan Yenrikega «Selta»da yordam berib kelgandi.