Italiya chempionatining 28-turida «Roma» «Palermo»ga qarshi safar o'yinini o'tkazdi. «Rentso Barbera» stadionida kechgan uchrashuv mehmonlarning 3:0 hisobidagi g'alabasi bilan yakunlandi.
G'oliblar safida gollarga Stefan Al-Sha'roviy, Yedin Djeko va Bruno Peres mualliflik qildi.
Endilikda «Roma» ochkolari sonini 62taga yetkazdi va tur o'yinlaridan keyin ikkinchi o'ringa ko'tarilgan «Napoli»ni (60) quvib o'tib, o'z o'rniga qaytdi. Turnir jadvali peshqadami «Yuventus»da 70 ochko mavjud. «Palermo» 15 ochkosi bilan 18-pog'onada joylashgan.
Italiya chempionati
28-tur
Palermo – Roma 0:3 (0:1, 0:2)
Gollar: 0:1 – 22 Al-Sha'roviy, 0:2 – 76 Djeko, 0:3 – 90 Bruno Peres.
Palermo – Fulinyati, Morganella, Chonek, Andjelkovich, Aleesami, Gatstsi, Chochev, Yembalo (Diamanti, 46), Bruno Yenrike (Lo Faso, 74), Shallai, Nestorovski.
Roma – Shchensni, Ryudiger, Fasio, Jezus, Bruno Peres, Paredes, Grene (Djeko, 64), Mariu Ruy, Naynggolan, Al-Sha'roviy (Strotman, 72), Saloh (de Rossi, 81).
Ogohlantirishlar: Bruno Peres (15), Bruno Yenrike (18), Paredes (54), Grene (60), Gatstsi (67).