«Manchester Siti» bosh murabbiyi Xosep Gvardiola Myunxenning «Bavariya» klubi yarimhimoyachisi Joshua Kimmixga qiziqish bildirmoqda, deb yozadi Mirror.
Manba bergan xabarga ko'ra, ispaniyalik mutaxassis o'z jamoasi safini qanot himoyachilar va yarimhimoyachilari yevaziga kuchaytirishni rejalashtirmoqda. Germaniya terma jamoasi futbolchisining imkoniyatlarini Gvardiola yaxshi biladi. Chunki aynan u rahbarligida Kimmix Myunxenga olib kelingan va asosiy tarkibga kiritilgandi.
Oldinroq, Kimmix joriy mavsumdagi faoliyatidan qoniqish hosil qilmayotganini tan olgandi. Bundesliganing ortda qolgan 24 turidan 18tasida maydonga tushgan (shularning 10tasida asosiy tarkibda) futbolchi 4ta gol va bitta golli uzatma muallifi bo'lgan.
Bosh sahifaga
219