«Manchester Yunayted» hujumchisi Zlatan Ibrahimovich mavsum oxirida «Napoli» klubiga o'tmoqchi yekani haqidagi xabarlarga izoh berdi. Italiyadagi nashrlar ushbu jamoa shvetsiyalik tajribali hujumchini o'z safida ko'rishni istayotgani haqida xabarlar tarqatgandi.
«Napoli»? Ko'ramiz, oldindan bir narsa deyish qiyin. «MYu»da baxtiyorman. Shartnomam mavsum oxirida o'z nihoyasiga yetadi, ammo bu shartnoma «1+1» va uni uzaytirish imkoniyati bor. Futbolchilik faoliyatim nihoyasiga yetmoqda. Qolgan vaqtimni yaxshi o'tkazish niyatidaman», deya uning so'zlarini keltirgan Corriere dello Sport xabarida.
Bundan oldinroq Zlatan «MYu»da qolishni istamayotgani, uning agenti Mino Rayola AQShda «Los-Anjeles Gelaksi» klubi vakillari bilan uchrashgani haqida xabar berilgandi.