2017 yilgi oliy liga bahslarining birinchi davrasi uchun 30 nafar legioner ro'yxatdan o'tkazildi, deb yozmoqda SA.
Manbaga ko'ra, eng ko'p legioner «Olmaliq» safida bo'lib, ular O'zbekistondagi legionerlar limitidan to'liq foydalangan. Hozirda jamoa tarkibida 3 nafar xorijlik va bir nafar Osiyo qit'asidan vakil ro'yxatdan o'tkazilgan. «Lokomotiv», «Buxoro», «Mash'al» va «Neftchi» klubi 3 nafardan legionerni zayavkaga kiritgan.
«Obod», «Metallurg» va «So'g'diyona» safida birorta ham legioner ro'yxatdan o'tkazilmagan.
30 nafar legionerning eng ko'pi Serbiyadan - 7 nafar. Undan keyingi o'rinlarda Belarus (5 nafar) va Ukraina (4 nafar) davlatlari borishmoqda. Shuningdek Oliy ligada Kot'D-Ivuar, Gruziya, Moldova, Xorvatiyadan ham (2 nafardan) legionerlar to'p surmoqda. Qozog'iston, Turkmaniston, Tojikiston, Qirg'iziston, Rossiya va Chernogoriyadan bittadan futbolchi O'zbekiston klublari zayavkasiga kiritilgan.