Venesuela va Peru terma jamoalari JCh-2018 Janubiy Amerika saralash bosqichi 13-turida durang qayd yetishdi. Maturindagi «Monumental» stadionida bo'lib o'tgan bellashuv 2:2 hisobida yakunlandi.
Venesuela birinchi bo'limni o'z foydasiga hal qildi – 2:0, gollar Mikel Vilyanueva (24-daqiqa) hamda Romulo Otero (40) tomonidan kiritildi. Biroq peruliklar ikkinchi bo'limda hisobni tenglashtirdi - Andre Karrilo (46) va Xose Paolo Gerrero (64) o'z nomini tabloga yozdirib qo'yishdi.
Peru terma jamoasi 15 ochko jamg'ardi va saralash musobaqasi jadvalida 8-o'rinda qoldi. Venesuela (6 ochko) yesa so'nggi, 10 pog'onani yegallab turibdi.