Italiyaning "Milan" klubini xitoylik investorlarga sotish bo'yicha bitim 14 aprel kuni yopilishi mumkin. Bu haqda Reuters axborot agentligi xabar bermoqda.
Italiyaning sobiq bosh vaziri Silvio Berluskoniga tegishli "Fininvest" kompaniyasi xitoylik investorlarga klubning 99,9 foizini sotmoqchi yedi. 320 mln yevrolik bitim 3 mart kuni tuzilishi kerak yedi, biroq o'sha vaqtda xitoylik investorlarda zarur miqdordagi pul bo'lmagan va ular klubni 100 mln yevroga sotib olishga tayyorliklarini aytganlar. Biroq Berluskoni bunga ko'nmagan. "Milan"ni sotish bo'yicha bitimning umumiy qiymati 740 mln yevroga baholangandi.
Ma'lum qilinishicha, xitoylik tadbirkorlarga AQShning "Elliot" investitsiya jamg'armasi yordam keldi va u bitim yopilishi uchun 300 mln yevro ajratadi.
"Fininvest" kompaniyasi "Milan"ni 1986 yilda sotib olgan. Shu vaqtdan keyin klub 8 karra Italiya chempioni, Italiya kubogi sohibi, 6 karra Italiya Superkubogi sohibi, 5 karra Yevropa chempionlari kubogi/Chempionlar Ligasi g'olibi, Qit'alararo kubok sohibi, klublar o'rtasidagi jahon chempionati g'olibi bo'lgan. "Milan" Italiyaning yeng boy klublari ro'yxatida 2-o'rinda turadi.
Ayni vaqtda klub Italiya chempionatida 29 turdan keyin 7-o'rinni yegallamoqda.
Bosh sahifaga
205