O'zbekiston terma jamoasi murabbiylar shtabi «Qo'qon-1912» himoyachisi Aleksandr Merzlyakovni terma jamoaga taklif qilgan. Bu haqda qo'qonliklar matbuot xizmati xabar tarqatmoqda.
Gap shundaki, himoyachilar — Vitaliy Denisov va Islom To'xtaxo'jaev Qatarga qarshi o'yinda terma jamoaga yordam bera olishmaydi. Moskvaning «Lokomotiv» klubi futbolchisi hali jarohatidan forig' bo'lmagan bo'lsa, To'xtaxo'jaev diskvalifikatsiya tufayli o'yinni o'tkazib yuboradi.
Eslatib o'tamiz, hozirda terma jamoa ixtiyorida chap qanot himoyasida o'ynashi mumkin bo'lgan Stanislav Andreev va Oleg Zoteevlar bor.