«Barselona» yarimhimoyachi Ivan Rakitich «Liverpul» vingeri Filippe Koutino transferining bir qismiga aylanishi mumkin, deya xabar bermoqda Transfer Market Web.
Oldinroq, «Barselona» Koutinoning vakillari bilan muzokara boshlagani haqida xabarlar tarqalgandi. O'z navbatida Rakitich bir oy muqaddam kataloniyaliklar bilan amaldagi shartnomasini 2021 yilning 30 iyuniga qadar uzaytirgandi.
24 yoshli Koutinoning «Liverpul» bilan amaldagi shartnomasi 2022 yilda nihoyasiga yetadi. Joriy mavsumda futbolchi Angliya chempionati doirasida 22 uchrashuvda 6ta gol va 5ta golli uzatmaga mualliflik qilgan.