Tailand poytaxti Bangkok shahrida futzal bo'yicha 20 yoshgacha bo'lgan yoshlardan tarkib topgan futzalchilar o'rtasidagi Osiyo chempionatiga qur'a tashlash marosimi bo'lib o'tdi. Bu haqda O'zA xabar tarqatmoqda.
Joriy yilning 16-26 may kunlari Bangkok shahrida bo'lib o'tadigan Osiyo chempionatida qit'aning 21 jamoasi to'rt guruhga bo'lingan holda g'oliblik uchun kuch sinashadi. Qoidaga ko'ra, har bir guruhda birinchi va ikkinchi o'rinni egallagan jamoalar chorak finalga yo'l oladi.
Qur'a natijasiga ko'ra, O'zbekiston yoshlar terma jamoasi «C» guruhidan joy oldi. Yosh futzalchilar mazkur guruhda Qatar, Livan, Myanma va Gonkong yoshlar terma jamoalari bilan bahslashadi.
Bosh sahifaga
241