Oliy liganing 4-turidan o'rin olgan yana bir uchrashuv bo'lib o'tdi. Unda Qarshining «Nasaf» klubi «So'g'diyona»ni qabul qildi.
Uchrashuvning 18-daqiqasida maydon egalari hujumchisi Dragan Cheran hisobni ochdi. Oradan ko'p o'tmay Odiljon Hamrobekov hisobni yiriklashtirdi. 81-daqiqada kelib Cheran dublga erishgan bo'lsa, zaxiradan maydonga tushgan Bobir Abduholiqov ham o'z hisobiga gol yozib qo'ydi. Yakuniy hisob 4:0.
Endilikda «Nasaf» o'tkazilgan 3 o'yinining barchasida zafar quchgan holda, yuz foizlik natija qayd etib turibdi. To'plar nisbatiga ko'ra qarshiliklar jamoasi Samarqandning «Dinamo» klubidan o'zib ketib, birinchi o'ringa ko'tarilgan. «So'g'diyona» esa 3 ochkosi bilan 14-o'rinda joylashgan.