Oliy liga 4-turidan o'rin olgan «Dinamo» - «Navbahor» jamoalari uchrashuvidan (0:1) keyin dastlab mehmonlar bosh murabbiyi Ilhom Mo'minjonov o'yindan keyingi fikrlari bilan o'rtoqlashdi.
«Biz bir hafta mobaynida «Dinamo» jamoasining uchta uchrashuvini o'rganib chiqqandik. Samarqand jamoasi kuchli pressing va tezkor hujumlar orqali o'yin namoyish etishini bilardik. Shu bois shu kuni jamoaning etakchilari qatorida Javohir Qahramonov va Sardor Sulaymonovlarga o'yin bermasligimiz lozim edi. Yigitlar buni uddalashdi, himoyada ham mustahkam to'p surib, g'alaba qozondik.
O'yindan avval shu ikki futbolchini «yopish» uchun alohida ko'rsatma bergan, hattoki kechagi mashg'ulotlarda ham yigitlarga avvalo mana shu ikki futbolchiga o'yin bermaslikni uqtirgandim. Shu bois Qahramonov va Sulaymonovni o'yin bermay, himoyada yaxshi o'ynay oldik» deya Mo'minjonovning so'zlarini keltiradi «Dinamo» rasmiy sayti.
Bosh sahifaga
245