JCh–2018 saralash bosqichi «A» guruhidagi O'zbekiston terma jamoasining raqibi – Janubiy Koreya terma jamoasi saralashning «B» guruhida ishtirok yetayotgan Iroq futbolchilariga qarshi o'rtoqlik o'yini o'tkazadi. Bu haqda O'FF rasmiy sayti xabar tarqatdi.
Manbaga ko'ra, mazkur uchrashuv 8 iyun kuni Dubay shahrida bo'lib o'tishi ko'zda tutilgan. O'rtoqlik o'yinidan 5 kun keyin, ya'ni, 13 iyun sanasida Janubiy Koreya terma jamoasi saralash bosqichi 8-turida safarda Qatar bilan to'qnash keladi. Iroq termasi o'sha kuni o'z maydonida Yaponiyani qabul qiladi.
Ma'lumot uchun, JCh–2018 turniriga saralash bosqichi «A» guruhi 7-turidan keyin Janubiy Koreya terma jamoasi 13 ochko to'plagan holda Yerondan (17 ochko) keyin ikkinchi o'rinda bormoqda. O'zbekiston terma jamoasi 12 ochko bilan uchinchi pog'onani band qilgan. «B» guruhidagi Iroq termasi 7 ta o'yinda 4 ochko jamg'arib, 5-pog'onani yegallab turibdi.