«Barselona» hujumchisi Lionel Messi Panamaning Mossack Fonseca offshor kompaniyasiga aloqadorligi haqida xabarlar chiqqanidan so'ng Argentina razvedka agentligi (AFI) tomonidan kuzatib borilgan.
La Nacion nashri bergan xabarga ko'ra, AFI agentligining «G» kodli laqabga yega ayg'oqchisi noqonuniy ravishda Messini kuzatgan va uni Mega Star Yenterprises offshor kompaniyasiga aloqador bo'lishi mumkinligini o'rgangan.
Sirli ayg'oqchi, jumladan, 2016 yilda Messini kuzatish uchun Jenevagacha borgan.
Qayd qilinishicha, AFI Messidan tashqari argentinalik bir qator siyosatchilarni ham Panama ishi bo'yicha kuzatib borgan. Ammo voqealar hibsga olishgacha bo'lgan jarayonga yetib bormagan.