Oliy liganing 5-turidan o'rin olgan «Sho'rtan» - «Lokomotiv» (2:0) uchrashuvidan so'ng mezbonlar ustozi Ixtiyor Karimov o'z fikrlarini bildirib o'tdi.
«Bizni qo'llab quvvatlab turgan g'uzorlik muxlislarga katta rahmat aytmoqchiman. Ularning daldasi bizga katta yordam berdi. Yigitlarimiz ham chiroyli o'yin ko'rsatishdi. «Lokomotiv»dek klubni mag'lub etish har kimga ham nasib etavermaydi.
«Lokomotiv»ni omad tufayli yutdik? Futbolda, sportda omadsiz ish bo'lmaydi. Omad doim kuchlilarga kulib boqadi.
G'alabaga bo'lgan iroda, tashnalik o'z so'zini aytdi. Maqsadimiz gol o'tkazmaslik va gol urishdan iborat edi. Shunday bo'ldi ham», deya Ixtiyor Karimovning so'zlarini keltiradi «Sho'rtan» matbuot xizmati.