«Lester» o'z safiga Angliyaning «Stafford Reynjers» jamoasi hujumchisi Josh Gordonni qo'shib oldi. Bu haqda Sky Sports nashri xabar tarqatdi.
Gordon jamoasi Angliyaning nufuzi bo'yicha 7-divizionida to'p suradigan havaskor jamoa sanaladi. Klub ligada hozircha 14-o'rinda bormoqda. 22 yoshli futbolchi bilan shartnoma 1,5 yil muddatga imzolandi.
Gordon «Lester» skautlarining diqqatiga mavsumda 11ta gol kiritgani bilan tushib qolgan. Qisqa muddatli kuzatuvlardan keyin lesterliklar futbolchi bilan shartnoma imzolashga qaror qilgan.
Eslatib o'tamiz, «Lester» o'z vaqtida 5-divizion jamoasi sanalgan «Flitvud Taun»dan Jeymi Vardini sotib olgan va bugungi kunga kelib Vardi jamoaning yeng asosiy futbolchilaridan biriga aylangan.
Bosh sahifaga
290