"Yuventus" bosh murabbiyi Massimiliano Allegri Chempionlar Ligasi chorak finalining 1-uchrashuvida o'z maydonida "Barselona" bilan kechgan uchrashuvga izoh berdi va yendi uning jamoasini Yevropada hurmat qilishlarini aytdi. Uchrashuv turinliklarning nomdor raqiblari ustidan 3:0 hisobidagi g'alabasi bilan yakunlandi.
"Tan olish kerak, biz bugun a'lo darajada o'ynadik. Jamoa himoyada ham, hujumda ham texnik jihatdan yaxshi o'yin ko'rsatdi. Yarim finalga yo'lda birinchi qadam qilindi, biroq javob uchrashuvi umuman o'zgacha bo'ladi. Jamoamning "Barselona"dan o'tishi imkoniyatlarini foizlarda baholay olmayman. Javob uchrashuvida raqib darvozasini nishonga olgan holda o'ynaymiz.
Men orzu-xayollarga beriluvchan, biroq shu bilan birga vaziyatga real qarayman. "Yuventus" taraqqiy yetmoqda. Jamoa qilayotgan ishdan xursandman, u oxirgi yillarda oldinga qadam tashladi. Yendi "Yuventus"ni Yevropada hurmat qilishadi – bu klubdagi uch yillik mehnatimning asosiy natijasidir.
Dibala bugun ajoyib tarzda o'ynab, o'z darajasini ko'rsatdi. Barcha yaxshi o'ynadi. Paulo hujumlarning yakunlovchi qismida ajoyib ishladi. U va barcha jamoa uchun xursandman", deb Allegri aytgan so'zlarni keltirib o'tdi Mediaset Premium nashri.
Bosh sahifaga
176