OChL 4-turidan o'rin olgan «Zob Ohan» - «Bunyodkor» jamoalari uchrashuvidani (2:1) so'ng mehmonlar ustozi Sergey Lushchan o'z fikrlari bilan o'rtoqlashdi.
«Zob Ohan»ni galaba bilan tabriklayman. Tarkibdagi boshqa yigitlarga ham imkon berdik. Ular yomon taassurot qoldirmadi. Qaerdadir yaxshi, qaerdadir kutilganidek o'ynay olmadik. Standart vaziyatidan gol o'tkazib yubordik. Aynan o'sha vaziyatda nazoratni yo'qotib qo'ydik. Raqib esa buni jazoladi.
Hayot davom etadi. Endi e'tiborimizni ichki musobaqalarga qaratamiz. Keyingi bosqichga chiqish uchun imkoniyatlarimiz qolmagan bo'lsa-da sport tamoyillariga to'la rioya qilgan holda keyingi bahslarda ham g'alaba uchun uynaymiz. Ochko olishimiz kerak va shart. Tarkibimizdagi yoshlarga ishonamiz. Yigitlarimiz OChL orqali katta tajribaga ega bo'lishmoqda», - deya Lushchanning so'zlarini keltiradi «Bunyodkor» matbuot xizmati.