«Milan» klubining yangi xo'jayini Li Yonxong Silvio Berluskonidan jamoani sotib olinishi haqida gapirib berdi.
«Berluskoni va uning Fininvest kompaniyasiga ishonch bildirishgani uchun minnatdorchilik bildiraman. «Milan»ning butun dunyodagi muxlislariga yesa bu jarayonni sabrsizlik bilan kutishgani uchun rahmat aytmoqchiman.
«Milan» – uzoq tarixdan buyon dunyoning yeng mashhur jamoasi sanaladi. Biz klubning qayta tug'ilishi uchun katta qadam tashladik.
Buyog'iga bosqichma-bosqich bu afsonaviy jamoani dunyo futbolining yeng yuqoriga cho'qqisiga olib chiqishga va'da beramiz», – degan Yonxong.
Savdoning umumiy qiymati 740 mln yevroga baholangan. Bu mablag'ning 220 million yevrosi klub qarzlarini yopish uchun, yana 90 million yevro Fininvest kompaniyasiga kelishuv tuzilishi kechiktirilgani uchun ajratiladi.
Silvio Berluskoni «Milan»ni 1986 yilning fevralidan buyon boshqarib keldi. Uning davrida rossonerilar 8 marta Italiya chempionatida, bir marta Italiya Kubogi finalida, 7 marta Italiya Superkubogida g'olib chiqdi. Shuningdek, jamoa Chempionlar Ligasida 5 marta, UEFA Superkubogida 5 marta, Qit'alararo Kubokda ikki marta va klublar o'rtasidagi jahon chempionatida g'alaba qozongandi.