“Ko'qon-1912“ jamoasining Toshkentda o'tkazilgan ikkinchi yig'ini yakuniga etdi. Bugun Murod Ismoilov shogirdlari yig'in doirasidagi to'rtinchi o'rtoqlik uchrashuvida maydonga tushishdi. Qo'qonliklarning bu galgi raqibi – Jizzaxning “So'g'diyona” klubi bo'ldi. Davron Fayziev boshqarayotgan jamoa biz uchun noqulay raqib ekanligi hech kimga sir emas. O'tgan yili bo'lib o'tgan to'rtta bahsning barchasida jizzaxliklar g'alaba qozonishgandi. O'yin “Qo'qon-1912” jamoasi uchun omadli boshlandi. Uchrashuvning 23-daqiqasi o'tib borayotgan bir paytda jamoamiz ko'rigida bo'lib turgan Abdul Aziz Yusupov raqib darvozasini aniq nishonga olib, hisobni ochdi-1:0. Bo'limning qolgan daqiqalarida har ikki jamoada bir qator vaziyatlar bo'lganiga qaramay, tannafusga qadar hisob o'zgarmadi. Aytgancha, o'tgan yili “Oq-tepa” sharafini himoya qilgan Abdul Aziz Yusupov “Buxoro”ga qarshi o'yinda ham raqib darvozasiga to'p kiritgan edi. Afsuski, bu safar ham vakillarimiz hisobdagi ustunlikni saqlab qolishning uddasidan chiqa olishmadi. Aniqrog'i, ikkinchi bo'limda jizzaxliklar ikki marta darvozamizga to'p kiritib g'alabani ilib ketishdi. Umuman olganda, Toshkentdagi yig'inda jamoamiz to'rtta o'yinning bittasida g'alaba qozongan bo'lsa, uchta bahsda imkoniyat boy berildi. Bugungi bahsda ko'rikda bo'lib turgan “Bunyodkor” a'zo sanalgan Hasan Asqarov jamoamiz safida to'p surdi. Nazorat uchrashuvi
“Qo'qon-1912” – “So'g'diyona” 1:2 (1:0)
Gollar: Abdul Aziz Yusupov – Orifxo'ja Abduxoliqov 2 ta
“Qo'qon-1912: G'ayrat Hasanov, Hasan Asqarov, Oybek Nurboev, Ilya Ilin, Ma'ruf Zokirjonov, Orif Mamajonov, Izzatbek G'aniev, Oybek Rustamov, Otabek Zokirov, Abdul Aziz Yusupov, Nosir Otaqo'ziev.
Zaxira: Aziz Ashurov, Ruslan Matniyazov, Avazxon Mamatxo'jaev, Jalil Kimsanov, Ilhom Komilov, Furqat Hasanboev, Xayrulla Jakparov, Aziz Ibragimov, Ibrohim Muxtorov.
“So'g'diyona”: Timur G'aniev, Sarvar Jo'raev, Akmal Xolmurodov, Timur Kagirov, Elyor Oripov, Robbim Hasanov, Bobur Qosimov, Sanjar Rashidov, Muzaffar Muzaffarov, Sanjar Rihsiboev, Abdumalik Abdullaev.
Zaxira: Mixail Spiridonov, Qahramon Bahodirov, Dilmurod Akramov, Sobir Hamidov, Suxrob Qobilov, Akmal Abdurahmonov, Alisher To'xtasinov, Orif Abduxoliqov.
Hakam: Sherzod Qosimov. Bir qator futbolchilarimiz turli sabablarga ko'ra, mazkur nazorat uchrashuvida ishtirok eta olishmadi. Shu bilan Toshkentda o'tkazilgan ikkinchi yig'ini yakuniga etdi.
— deya xabar beradi uff.uz nashri.