Kirish | A'zo bo'lish

25-turga jiddiy hozirlik ko'rayotgan "Qo'qon-1912" jamoasi bugun Navoiyning “Qizilqum” klubiga qarshi nazorat uchrashuvida maydonga tushdi. O'yin jangovor durang – 3:3 hisobida intiho topdi. Bu haqda klub rasmiy sayti xabar berdi.

Uchrashuvning birinchi bo'limida navoiyliklar ikki marta Ribkin darvozasini ishg'ol etishdi. Birinchi taymda Nemanya Yovanovich dublga erishdi. Gollarning birini u penaltidan kiritdi. Bu orada Suhrob Berdiev o'n bir metrli nuqtadan gol ura olmadi.

Ikkinchi bo'lim gollarga boy bo'ldi. Avvaliga Berdiev hisobni qisqartirdi. Ilhom Yunusov esa “Qizilqum”ni yana oldinga olib chiqdi.

Ammo qolgan daqiqalarda hujumga zo'r bergan qo'qonliklar Orif Mamajonov va Nosir Otaqo'zievlarning gollari evaziga hisobni tenglashtirishga erishishdi. Otaqo'ziev penaltini aniq amalga oshirganini ta'kidlash joiz.

O'rtoqlik uchrashuvi

“Qo'qon-1912” – “Qizilqum” – 3:3 (0:2)

Gollar: Suhrob Berdiev, Orif Mamajonov, Nosir Otaqo'ziev. –  Nemanya Yovanovich 2 ta, Ilhom Yunusov.

“Qo'qon-1912”: 13. Nikita Ribkin, 5. Jalil Kimsanov, 7. Otabek Zokirov, 10. Otabek Haydarov, 15. Ma'ruf Zokirjonov, 55. Darko Gojkovich, 70. Sobir Hamidov, 75. Ibrohim Rahimov, 80. Nodir Yo'ldoshev, 90. Suhrob Berdiev, 99. Javohir Siddiqov.

Zaxira: 4. Mirjalol Qurbonov, 9. Nosirbek Otaqo'ziev, 14. Avazxon Mamatxo'jaev, 20. Doston Tursunov, 22. Orif Mamajonov, 28. Abdullox Olimov, 49. Shoxrux Xolmatov.

— deya xabar beradi Tribuna nashri.

Do`stlarbilan baxam ko`rish: