Kirish | A'zo bo'lish

O'zbekiston terma jamoasi JCh-2018 saralash bosqichining 4-turida Toshkentda Xitoyga qarshi bahs yuritadi.

Samvel Babayan boshchiligidagi terma jamoa 3-turda Toshkentda Eronga mag'lub bo'lganidan keyin, guruhda 3-o'ringa tushib ketgan edi. Xitoy esa avvalgi turda o'z maydonida kutilmaganda Suriyaga imkoniyatni boy berib qo'ygandi, - 0:1.

Bugungi uchrashuv oldidan ikkala terma jamoa safida yo'qotishlar mavjud. O'zbekiston terma jamoasida Aleksandr Geynrix va Anzur Ismoilovlar sariq kartochkalari soni ko'payib ketganligi sababli, uchrashuvni o'tkazib yuboradi. Xitoy terma jamoasida ham himoyachi Jang Linpeng maydonga tusha olmaydi.

Ayni paytda uchrashuvga chiqarilgan chiptalar sotuvi davom etmoqda. Mazkur o'yin 18:00da “Bunyodkor” stadionida boshlanadi.  

O'zbekiston – Xitoy  (18:00)

Hakamlar: Xettikamkanamge Dilan Perera, Palliya Guruge Priyanga Namal, Palitya Xematuxunga, Kuttiappa Rajakrishna (barchasi Shri-Lanka) 

Komissar: Bakir Abdul Xoliq (Livan)

— deya xabar beradi Tribuna nashri.

Do`stlarbilan baxam ko`rish: