Kirish | A'zo bo'lish

«Liverpul» terma jamoasi bosh murabbiyi Yurgen Klopp «Vest Bromvich»ga qarshi bahs arafasidagi fikrlarini bildirib o'tdi.

«Mendan «kichik klublar» haqida so'rashsa, men bu nimani anglatishini tushuna olmayman. Bu xuddi hurmatsizlikdek tushuniladi, ishoning, biz barcha raqiblarni hurmat qilamiz.

«Vest Brom» – bu juda va juda tajribali jamoa hamda ularning juda tajribali murabbiyi bor. Ular bizga shunchaki mehmon bo'lish uchun kelishmaydi, ular bizning hayotimizni og'irlashtirishni maqsad qilgan holda kelishadi. Ular muxlislarimizni ranjitish istagi bilan kelishadi. Ular natijaga yerishishni istashadi va ularning tutadigan pozitsiyasiga hurmat bilan qarayman.

APL klublari va boshqa istagan chempionat orasidagi farq sifatida aytishim mumkinki, bu yerda istalgan jamoa katta tajribaga yega hisoblanadi.

Bu yerda hech qaysi jamoa mavsumni 120 ochko bilan yakunlay olmaydi, bu shubhasiz. Bu yerda hamma qarshilik ko'rsatadi va «Vest Brom» – ularning biridir. Ular bizga noqulay bo'lishi uchun barcha ishni qilishadi. Ular biz o'z futbolimizni o'ynashimizga yo'l qo'ymaslikka intilishadi.

Biz ular uchun chora topishimiz kerak. Qahrliroq bo'lishimiz, shu bilan birga yetarli darajada xotirjam bo'lib ham qolish darkor. Muxlislar va futbolchilardan shuni so'rayman. Bunday o'yinda ko'p kurashlar bo'ladi, ko'p marta to'p yo'qotish mumkin, paslaring yetib bormasligi mumkin.

«Vest Bromvich» standart vaziyatlarda yaxshi o'ynaydi, ularni bu borada yeng yaxshilardan biri deyish mumkin. Ular himoyada ham yaxshi harakatlanadi. Toni Pulisning o'z uslubi bor. U bunday o'yin uslubini yo'lga qo'yishda mohir. U o'z mahoratini bir qator jamoalarda muvaffaqiyat bilan qo'llab kelgan.

Bizga tezkor gol yordam berishi mumkinmi? 3ta tezkor gol bo'lsa, albatta yordam beradi», – deya jilmayib matbuot anjumanini yakunlagan Klopp.

Manba — Liverpool Yecho

— deya xabar beradi Tribuna nashri.

Do`stlarbilan baxam ko`rish: