Nemis futbol uyushmasi Germaniya kubogi 1/32 finalidan o'rin olgan "RB Leyptsig" va "Dinamo Drezden" uchrashuvida yuzaga kelgan mojaro sababli qaror qabul qildi.
O'sha uchrashuvda mezbon jamoa muxlislari stadionga buqaning kesilgan boshini olib kirishgan va uni maydonga uloqtirishgan. "RB Leyptsig" jamoasining laqabi - "buqalar" bo'lganligi sababli, fanatlar raqibni shu tariqa haqorat qilishgan.
Natijada "Dinamo Drezden" jamoasi 60 ming yevro jarima to'laydi. Shuningdek, 20 noyabr kuni "Groyter"ga qarshi o'yinda muxlislar uchun ajratilgan tribuna yopildi.