Kirish | A'zo bo'lish

Angliya premer-ligasining bugungi kun uchun mo'ljallangan so'nggi uchrashuviga London derbisi to'g'ri keldi. Nomiga munosib ravishda uchrashuvda dramatik voqealarga boy tarzda o'tdi.

Maurisio Pochettino boshchiligidagi jamoa ikki marta hisobda ortda qolishiga qaramay yakunda g'alabani o'z tomoniga og'dirishga muvaffaq bo'ldi. Ayniqsa o'yinning so'nggi daqiqlarida «Tottenhem» haqiqiy qahramonlik ko'rsatdi.

Avvaliga Luis Antonioning goliga Uinks ikkinchi bo'lim boshida javob qaytargandi. Keyinroq Lansini belgilangan penaltini amalga oshirdi. O'yin tugashiga bir daqiqa qolganda ham Slaven Bilich shogirdlari hisobda oldinda borishayotgandi. Biroq aynan shu daqiqadan boshlab Harri Keyn katta sahnaga chiqdi va ikki daqiqa ichida dubl qayd yetib jamoasi uchun juda muhim bo'lgan uch ochkoni keltirdi.

«Shporlar» hisobidagi ochkolar soni 24taga yetdi va jamoa 5-o'ringa mustahkam joylashib oldi. 6-o'rinda borayotgan «MYu»dan jamoa 5 ochko oldinda bormoqda. Peshqadam bilan oradagi farq yesa 5 ochko.

«Vest Hem» yesa 11 ochko bilan 17-o'rinda qoladigan bo'ldi.

APL

12-tur

Tottenhem – Vest Hem 3:2 (0:1)

Gollar: 0:1 – 24 Antonio, 1:1 – 51 Uinks, 1:2 – 68, penalti Lansini, 2:2 – 89 Keyn, 3:2 – 90+1, penalti Keyn.

Tottenhem: Loris, Vertongen, Rouz, Uoker (Tripper, 89), Uinks, Vanyama, Yeriksen, Dayer, Dembele (Son Xyong Min, 72), Keyn, Yanssen (Alli, 68).

Vest Hem: Rendolf, Ogbonna, Rid, Kressuell, Antonio, Lansini, Kuyate, Payet (Nordtveyt, 85), Obiang, Ayyu (Fernandesh, 61), Sako (Dzadza, 61).

Chetlatish: Rid (90+6, Vest Hem).

— deya xabar beradi Tribuna nashri.

Do`stlarbilan baxam ko`rish: