Kirish | A'zo bo'lish

«Bayer» sport direktori Rudi Fyoller bundesliganing 12-turidan o'rin olgan «Bavariya»ga qarshi uchrashuv (1:2) borasida fikr ayta turib hakamning ba'zi qarorlariga ye'tiroz bildirib o'tdi.

«Bitta vaziyatda yuz foizlik penalti va qizil kartochka bor yedi. Oldinroq bu nuqtadan gol kirita olmagan bo'lsak, biz haqli penaltiga yega bo'lishimiz kerak yedi. Ochko qo'lga kiritishga umid qilgandik, biroq buning uchun hamma o'z ishini qilishi kerak. Shu jumladan bosh hakam ham. Ba'zida futbolga juda oddiy munosabatda bo'lish kerak. Agar hakam qoida buzilganini ko'rgan bo'lsa, u penalti belgilashi kerak, vassalom», — deya Fyollerdan iqtibos keltaridi Sport1.

Ma'lumot uchun, uchrashuvning yakuniy qismida Kevin Folland oldinga chiqib ketgan Manuel Noyerdan o'tkazib to'pni darvozaga yo'llashga uringandi, biroq vaziyatga yaqin bo'lgan Xavi Martines bunga xalaqit bergan va to'pni qo'li bilan qaytarib jamoasini goldan qutqarib qolgandi.

Mazkur vaziyatni quyidagi video orqali ko'rish mumkin: https://www.youtube.com/watch?v=0QSdrrJELUk

— deya xabar beradi Tribuna nashri.

Do`stlarbilan baxam ko`rish: