«Jenoa» hujumchisi Jovanni Simeonening fikricha, uning otasi, ayni vaqtda «Atletiko» bosh murabbiyi sifatida ishlayotgan Diego Simeone kun kelib Milanning «Inter» jamoasni boshqarishi mumkin.
«Mening otam qachondir „Inter“ni boshqaradi. Men bunga ishonaman. U „Atletiko“da baxtiyor, ammo kelajakda neradzurrilarni boshqarishi ham mumkin», degan Jovanni Onda Cero nashriga bergan intervyusida.
Ma'lumot uchun, Diego Simeone 1997dan 1999 yilgacha «Inter» safida o'ynagan.
46 yoshli argentinalik mutaxassisning «Atletiko» bilan shartnomasi 2020 yilgacha tuzilgan.